مجموعة نكت اتمنى تعجبكم
النكتة الاولى
الضفدعة
دكتور صعيدى بيشرح مادة التشريح على الضفدعة للطلبة
قطع رجليها الاولى وقالها نطى يا ضفدعة ,,, نطت
قطع رجليها التانية وقالها نطى يا ضفدعة ,,, نطت
وبعد ما قطع الربعة ارجل قالها نطى يا ضفدعة ...
الضفدعة لم تستجيب
قال للطلبة : ده يثبت إن الضفدعة بعد ما تقطع رجليها الأربعة تفقد حاسة السمع
عايزين التانية ولا
طب انزلو
اوك
خلاص
ما تزوئش
التانية
حوار بين تنين سمعهم تقيل
تخيلوا لو اثنين سمعهم خفيف اتكلموا مع بعض!!
شنواللي ممكن يصير؟
تعالوا نشوف ......... اثنين،
واقفين على محطة الاتوبيس ودار بينهم الحوار هذا :
الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه . عايز تولع؟
الأول : أدلع ! أدلع عليك انت!؟ انت ما تملاش عنيا
الثاني :يقبضوا عليا !! ليه !؟
الأول : انت غريب يا راجل انت..شكلك شحات ، روح اشتغل شغلة تاكل منها عيش
الثاني : خيش!! والله ده صوف انجليزي
الأول: بنتك زيزي!!! ربنا يخلي...
الثاني : أنتاج محلي .!!!! ده مستورد
يمر شاويش من بتوعنا ... يلفت انتباه الحوار، : بتعمل ايه يا جدع منك له!!!
لاثنين: ايوة يا شاويش ...احنا مستنين الأتوبيس
الشاويش :! نهاركم مش فايت .... جواسيس !!! قدامي على القسم
اما التالتة مش حقولها
اترجونى كدة اشوف
طيب ما تعصبش
التالتة
الحصان
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!
الزوج: 'فيه ايه يا بنت الحلال؟ ليه كدا؟؟؟'
الزوجه:'ايه الورقه اللي في جيب بدلتك ومكتوب عليها 'سوسو'؟؟'
الزوج: 'يا بنت الحلال، ده أسم الحصان اللى بنشجعه في السباق!
' الزوجه صدقته وراحت لحالها... بعد اسبوع،.........
الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !!
الزوج: 'خير يابنت الحلال في ايه تاني؟؟ ' الزوجه:'حصانك على التليفون ..!!'
حكمل المرة الجاية ببكفيكو كدة
انتظرونى
والله مش بكتب حاجة من غير ردود
اشوف الردود واكتب كمان نكت
سلام
موضوع: عايز تضحك فووووت 
السبت يوليو 26, 2008 10:28 am
